ރާއްޖެއިން ކޮވިޑަށް ޕޮޒިޓިވް ވި މީހުންގެ ޢަދަދު މިއަދުވެސް 100 އިން މަތީގަ
ރާއްޖެއިން ކޮވިޑަށް ޕޮޒިޓިވް ވި މީހުންގެ ޢަދަދު މިއަދުވެސް 100 އިން މައްޗަށް އަރައިފި އެވެ.
އެޗްޕީއޭ އިން ޢާންމުކުރި ތަފާސް ހިސާބުގައިވާ ގޮތުން ރާއްޖެއިން157 މީހުން ވަނީ މިއަދު ކޮވިޑަށް ޕޮޒިޓިވް ވެފަ އެވެ.
މިއަދު ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 71 މީހުންނާއި މީހުން ދިރިއުޅޭ ރަށްރަށުން ޕޮޒިޓިވްވި 72 މީހުން ނެވެ. އަދި ހިންގަމުންދާ ރިސޯޓުތަކުން ޕޮޒިޓިވްވި 12 މީހުންނާއި ސިނާއީ ރަށްރަށުން ޕޮޒިޓިވްވި ދެ މީހުން ވެސް ހިމެނެ އެވެ.
މީގެ އިތުރުން 100 މީހުން މިއަދު ބަލިން ރަނގަޅުވެފައިވާ އިރު، ރަނގަޅުވި މީހުންގެ ޢަދަދު މިވަނީ 23،691 އަށް އަރާފަ އެވެ.
މިއާއެކު ރާއްޖެއިން ކޮވިޑް19އަށް ޕޮޒިޓިވްވި މީހުންގެ ޢަދަދު ވަނީ 26،505 އަށް އަރާފަ އެވެ.
2،735 މީހުންނަށް މިބަލިޖެހިފައި ތިބިއިރު، 68 މީހުންނަށް ފަރުވާ ދެމުންދަނީ ހޮސްޕިޓަލްތަކުގަ އެވެ. މި ބަލީގައި ރާއްޖެއިން މިހާތަނަށް 70 މީހުން ވަނީ ނިޔާވެފަ އެވެ.
މިލިޔުން ކިޔާލުމުން
