ރާއްޖެއިން ކޮވިޑު ޖެހިގެން 72 ވަނަ މީހާ ނިޔާވެއްޖެ
ރާއްޖެއިން ކޮވިޑު ޖެހިގެން 72 ވަނަ މީހާ ނިޔާވެއްޖެ އެވެ.
އެޗްޕީއޭ އިން ބުނީ މިއަދު ނިޔާވެފައިވަނީ ޢުމުރުން 85 އަހަރުގެ ދިވެހި އަންހެނެއް ކަމަށެވެ. އަދި އެއީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި ފަރުވާ ދެމުންދިޔަ މީހެއް ކަމަށެވެ.
އިޝްތިހާރު 
ރާއްޖެއިން މިބައްޔަށް ޕޮޒިޓިވްވީ މީހުންގެތެރެއިން މިހައިތަނަށް ވަނީ 72 މީހުން ނިޔާވެފަ އެވެ. އެއީ 64 ދިވެހިންނާއި 8 ބިދޭސީން ނެވެ.
ކޮވިޑު ބަލި އަނެއްކާ ވެސް އިތުރުވަމުން އަންނަ އިރު، ފާއިތުވި 24 ގަޑިއިރު ތެރޭގައި ވެސް ރާއްޖެއިން ވަނީ 386 މީހުން މި ބައްޔަށް ޕޮޒިޓިވްވެފައެވެ.
އެކްޓިވް ކޭސްގެ ގޮތުގައި ރާއްޖޭގައި ފަރުވާ ދެމުން އަންނަ މީހުންގެ ޢަދަދު 4000އިން މައްޗަށް އަރާފައިވާ އިރު، މިވަގުތު ހޮސްޕިޓަލްގައި އެޑްމިޓްކޮށްގެން ފަރުވާ ދެމުން އަންނަ މީހުންގެ ޢަދަދު ވެސް ވަނީ 100އަށްވުރެ މައްޗަށް އަރާފަ އެވެ.
މިލިޔުން ކިޔާލުމުން
