މިއަހަރުގެ ރަމަޟާން މަހުގައި 30 ދުވަސް : ސައުދީ އަރަބިއްޔާ
ިއަހަރުގެ ރަމަޟާން މަހަކީ 30 ދުވަހުގެ މަހެއް ކަމަށާއި، ޢީދު ދުވަހަކީ މިހިނގާ މޭ މަހުގެ 13 ވަނަ ދުވަސް ކަމަށް ސަޢުދީގެ އެންމެ އިސް ޢިލްމުވެރިންގެ މަޖިލީހުގެ މެމްބަރު އަދި ޝާހީ ކޯޓުގެ އެޑްވައިޒަރ ޝައިޚް ޢަބްދުﷲ ބިން ސުލައިމާން އަލް މަނޭއާ ވިދާޅުވެއްޖެއެވެ. އޭނާ އެހެން ވިދާޅުވެފައި ވަނީ އަލް ޝުރޫޤް އޮންލައިން އަށް ދެއްވި ބަސްދީގަތުމެއްގައިއެވެ. އަދި އެގޮތަށް ނިންމާފައި ވަނީ ފަލަކީ ހިސާބުތަކަށް ބެލުމަށް ފަހު ކަމަށް ވެސް ޝައިޚް ޢަބްދުﷲ އެ އިންޓަވިއުގައި ބުނެފައި ވެއެވެ.
މިއީ ސަޢުދީގެ ތާރީޚުގައި ވެސް ފަލަކީ ހިސާބު ބޭނުންކޮށް ޢީދު ދުވަސް ކަނޑައެޅި ފުރަތަމަ ފަހަރެވެ. މީގެ ކުރިން ޢީދު ދުވަސް ކަނޑައަޅާފައި ވަނީ ހަނދު ފެނޭތޯ ބެލުމަށް ފަހު ހަނދު ފެނުމުންނެވެ.
ފަލަކީ ހިސާބަށް ބެލިނަމަވެސް، ހަނދު ފެނޭތޯ ބަލަން ބޭނުންވާ ފަރާތްތަކުން އެކަން ކުރުމަށް ވެސް އަލް މަނޭއާ އެ ބަސްދީގަތުމުގައި ވިދާޅުވެފައިވެއެވެ.
ސައުދީ އަރަބިއްޔާގައި މިއަހަރުގެ ރަމަޟާން މަސް ފަށާފައި ވަނީ އެޕްރިލް މަހުގެ 13 ވަނަ ދުވަހުއެވެ.
މިލިޔުން ކިޔާލުމުން
