ރާއްޖޭގައި ކުޅެން އޮތް އޭ އެފްސީ ކަޕް ގެ މެޗުތައް ފަސްކޮށްފި
ރާއްޖޭގައި ކުޅެން އޮތް އޭ އެފްސީ ކަޕް ގެ ގްރޫޕް ޑީ ގެ މެޗުތައް ފަސްކޮށްފި އެވެ.
އޭއެފްސީން މިއަދު ނެރެނު ބަޔާނެއްގައި އެކަން އަންގާފައިވާ އިރު، އެފްއޭއެމުންވެސް ވަނީ ގްރޫޕް ޑީގެ މެޗުތައް މިވަގުތު މާލޭގައި ކުޅެވެން ނެތްކަމަށް ކްލަބްތަކަށް އަންގާފަ އެވެ.
އޭއެފްސީން މިގޮތަށް ބަޔާން ނެރެ، އެފްއޭއެމް އިން ކްލަބުތަކަށް އަންގާފައި މިވަނީ ޕްލޭއޮފް މެޗުގައި ވާދަކުރުމަށް މިވަގުތު ރާއްޖެ އައިސްތިބި އިންޑިއާގެ ބެންގަލޫރް އެފްސީގެ ކުޅުންތެރިން ޕްރޮޓޮކޯލް އާއި ޚިލާފުވުމުން ނެވެ.
އޭއެފްސީން ނެރުނު ބަޔާނުގައި ބުނީ މުބާރާތުގެ ޕްލޭއޮފުގައި ކުޅެން މި ވަގުތު ރާއްޖެ އައިސްފައިވާ ބެންގަލޫރުން އަމިއްލައަށް އެނބުރި ގައުމަށް ދިއުމުގެ ދަތުރުފަތުރުތައް ހަމަޖައްސަމުން އަންނަ ކަމަށެވެ. އަދި މުބާރާތާ ގުޅިގެން މީގެ ކުރިން ރާއްޖެ އަންނަން ދަތުރުފަތުރު ހަމަޖައްސާފައިވާ ޓީމުތަކުން ވެސް މި ހިނދުން ފެށިގެން އެ ދަތުރުތަކުގެ ކަންތައް ކެންސަލްކުރަން ވަނީ އަންގާފަ އެވެ.
ބެންގަލޫރުން އުސޫލާ ޚިލާފުވި މައްސަލަ ބޮޑުވެފައިވާއިރު އެ ޓީމުގެ ސީއީއޯ ޕާތު ޖިންދާލް ކުރެއްވި ޓްވީޓެއްގައި ވިދާޅުވީ އެ ކުލަބުގެ ބިދޭސީ ތިން ކުޅުންތެރިންނާއި އޮފިޝަލުންގެ ކިބައިން ފެނުނު، ބަހަނާއެއް ދެއްކެން ނެތް އަމަލަށް ކުލަބުގެ ފަރާތުން މައާފަށް އެދޭ ކަމަށެވެ. އަދި އެ ކުޅުންތެރިންނަށް ހަރުކަށި ފިޔަވަޅު އަޅާނެ ކަމަށްވެސް ވަނީ ވިދާޅުވެފަ އެވެ.
އެޓީމުގެ ބައެއް ކުޅުންތެރިންގެ މި ޢަމަލުގެ ސަބަބުން ޔޫތް މިނިސްޓަރ އަޙުމަދު މަހްލޫފް ވަނީ ބެންގަލޫރް ޓީމު އެނބުރި އިންޑިއާއަށް ފުރަން ތައްޔާރުވުމަށާއި ގްރޫޕް ސްޓޭޖުގެ މެޗުތައް ފަސްކޮށްދިނުމަށް އޭއެފްސީގައި އެދުމަށް އެފްއޭއެމްއަށް އަންގާފައެވެ. އަދި އީގަލްސް އާއި ބެންގަލޫރް ވާދަކުރާ ޕްލޭއޮފް މެޗު މާލޭގައި މިވަގުތު ދެން ނުކުޅެވޭނެކަމަށް މަހްލޫފް ކުރެއްވި ޓްވީޓްގައި ވިދާޅުވިއެވެ.
We have informed FAM that we cannot hold the match, and asked them to make arrangements for @bengalurufc’s departure. We will be in further correspondence with AFC through @MaldivesFA to postpone the group stage. https://t.co/wPO7Qkw9Ou
— Ahmed Mahloof (@AhmedMahloof) May 8, 2021
އެފްސީ ކަޕުގެ މެޗުތައް ފަސްކުރަން އޭއެފްސީން ނިންމިއިރު، މީގެ ކުރިންވެސް އެފްއޭއެމުން ވަނީ މުބާރާތް ފަސްކުރަން މަޝްވަރާކޮށްފައެވެ.
މިލިޔުން ކިޔާލުމުން
