ހިތްވަރާއެކު އެންމެން އެކު މަސައްކަތް ކޮށްފިނަމަ ކޮވިޑުން އަރައިގަނެވިދާނެ: ރައީސް
ހިތްވަރާއެކު އެންމެން އެކު މަސައްކަތް ކޮށްފިނަމަ ކޮވިޑުން އަރައިގަނެވިދާނެ ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިހު ވިދާޅުވެއްޖެ އެވެ.
ގައުމާ މުޚާތަބު ކުރައްވާ މިރޭ ވާހަކަފުޅު ދައްކަވަމުން ރައީސް ސޯލިހު ވިދާޅުވީ މިއަދު އަޅަން ފެށި ފިޔަވަޅުތަކަށް ރަނގަޅަށް އަމަލުނުކޮށްފި ނަމަ، އިތުރު ފިޔަވަޅުތައް އަޅަންޖެހުމަކީ އެކަށީގެންވާ ކަމެއް ކަމަށެވެ.
”އެފަދަ ފިޔަވަޅުތަކެއް އަޅައިފިނަމަ މިހާރަށް ވުރެ މާ ގިނަ ދަތިތަކާއި ކުރިމަތިލާންޖެހޭނެ. ރާއްޖެއަށް ބޭނުންވާ މިންވަރަށް، ބޭސްފަރުވާގެ ވަސީލަތްތައް ހުރި ނަމަވެސް، އިންސާނީ ވަސީލަތްތައް އެވަރަކަށް ނެތް.“ ރައީސް ވިދާޅުވި އެވެ.
އެމަނިކުފާނު އިތުރަށް ވިދާޅުވީ ކުރިއަށް އޮތް މަސްދުވަހު، ހިތްވަރާއެކު އެންމެން އެކުގައި މަސައްކަތް ކޮށްފިނަމަ ކޮވިޑުން އަރައިގަނެވިދާނެ ކަމަށެވެ. އަދި ސިއްހީ ޚިދުމަތްތެރިންނާއި ސަލާމަތީ ބާރުތަކުން، އަދި ހިލޭ ސާބަހަށް މަސައްކަތް ކުރާ ހުރިހާ ފަރާތްތަކުން ކުރަމުންދާ މަސައްކަތް ފާހަގަކުރައްވާފައެވެ.
މިލިޔުން ކިޔާލުމުން
