މިސް ޔުނިވަރސް 2020 ގެ ފިނާލޭ އަންނަ ހޯމަ ދުވަހު
މިސް ޔުނިވަރސް 2020 ގެ ފިނާލޭ އަންނަ ހޯމަ ދުވަހު ބާއްވާ އިރު، މި އިވެންޓު ވަގުތުން ބަލައިލެވޭ މަގު މީޑިއާ ނެޓުން ފަހިކޮށްދީފި އެވެ.
މީޑިއާ ނެޓުން ބުނީ މި މެއި މަހުގެ 17 ވާ ހޯމަ ދުވަހު އޮންނަ މިސް ޔުނިވަރސް 2020ގެ ފިނާލޭ މީޑިއާނެޓް މެދުވެރިކޮށް ވަގުތުން ބަލާލެވޭނެ ކަމަށެވެ.
69 ވަނަ މިސް ޔުނިވަރސް ހަފްލާ އޮންނާނީ އެމެރިކާގެ ފްލޮރިޑާގައި ހުންނަ ހާޑް ރޮކް ހޮޓެލް އެންޑް ކަސީނޯގަ އެވެ. އަދި އެ ހަފްލާ ދައްކާނީ ފަތިހު 5:00 ގައި ފޮކްސްލައިފް އެޗްޑީ (ޗެނަލް810) އިންނެވެ.
މީޑިއާ ނެޓުން ބުނީ އެ ހަފުލާގެ ފަށްކުރުން (ރިޕީޓް) އެދުވަހުގެ ހަވީރު 5:00 ގައި ދައްކާނެ ކަމަށެވެ.
މީގެ އިތުރުން މީޑިއާނެޓުގެ މަލްޓިސްކްރީން މެދުވެރިކޮށް ވެސް ބޭނުން ދުވަހެއްގައި އެ ހަފްލާ ބަލައިލެވޭނެ ކަމަށް މީޑިއާ ނެޓުން ބުންޏެވެ.
ދުނިޔޭގައި ބާއްވާ އެންމެ ބޮޑު ރީތީގެ މުބާރާތް ކަމަށްވާ، މިސް ޔުނިވަރސްގެ މި މުބާރާތުގައި ދުނިޔޭގެ 74 ގައުމަކުން އަންހެނުން ވާދަކުރެ އެވެ.
މިސް ޔުނިވަރސްގެ މިދިޔަ އަަހަރު ތާޖު ކާމިޔާބު ކުރީ ދެކުނު އެފްރިކާގެ ޒޮޒީބިނީ ޓަންޒީ އެވެ. ހޯމަ ދުވަހު އޮންނަ ހަފްލާގައި މިސް ޔުނިވަރސް 2020 ގެ ބޮލުގައި ތާޖު އަޅަުވައިދޭނީ ޒޮޒިބިނީ އެވެ.
މިލިޔުން ކިޔާލުމުން
