ކުޅުދުއްފުށްޓާއި ތިނަދޫގައި ޓަރޝަރީ ހޮސްޕިޓަލް އެޅުމަށް ޗައިނާ ކުންފުންޏަކަށް
ހދ. ކުޅުދުއްފުށްޓާއި، ގދ. ތިނަދޫގައި ޓަރޝަރީ ހޮސްޕިޓަލް ތަރައްޤީކުރުމަށް ޗައިނާ ކުންފުންޏަކާއި ޙަވާލުކޮށްފިއެވެ.
ހެލްތް މިނިސްޓްރީއިން މި މަސައްކަތް ޙަވާލުކޮށްފައިވަނީ ޗައިނާ ނޭޝަނަލް އިލެކްޓްރިކް އިންޖިނިއަރިން ކޮމްޕެނީ ލިމިޓެޑާއެވެ. މި ކުންފުންޏާއި މި މަސައްކަތް ޙަވާލުކޮށްފައިވަނީ 30 މަސްދުވަސް ތެރޭގައި މަސައްކަތް ނިންމާގޮތަށް 76 މިލިޔަން އެމެރިކާ ޑޮލަރަށެވެ.
ހެލްތް މިނިސްޓްރީގައި ބޭއްވި ޚާއްސަ ރައްމިއްޔާތެއްގައި މި ދެ ހޮސްޕިޓަލުގެ މަސައްކަތް ޙަވާލުކުރުމުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ސީނިއަރ އެކްޒެކެޓިވް ޢަބްދުލް ހައްނާން ހުސެއިނެވެ. އަދި ޗައިނާ ނޭޝަނަލް އިލެކްޓްރިކް އިންޖިނިއަރިން ކޮމްޕެނީ ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ވައިސް ޕްރެސިޑެންޑް ޖިންހުއިއެވެ.
ހދ. ކުޅުދުއްފުށްޓާއި ގދ. ތިނަދޫގައި ތަރައްޤީކުރުމަށް ހަމަޖެހިފައިވަނީ 100 އެނދުގެ ޓަރޝަރީ ހޮސްޕިޓަލެކެވެ. ހެލްތް މިނިސްޓްރީއިން ވިދާޅުވީ، މި ދެރަށުގައި ތަރައްޤީކުރާ މި ދެ ހޮސްޕިޓަލަކީވެސް އައު ސަރަޙައްދެއްގައި ތަރައްޤީކުރެވޭ ހޮސްޕިޓަލްތަކެއް ކަމަށެވެ.
މިލިޔުން ކިޔާލުމުން
