ﷲއަށް ތަޤުވާވެރިވުމަކީ އެކަލާނގެ ނިޢުމަތްތަކަށް ސިއްރާއި ފާޅުގައި އީމާންވުން..
ﷲއަށް ތަޤުވާވެރިވުމަކީ އެކަލާނގެ ނިޢުމަތްތަކަށް ސިއްރާއި ފާޅުގައި އީމާންވުންކަމަށް މިއަދުގެ ހުކުރު ޚުޠުބާގައި ބުނެފިއެވެ.
’ނިޢުމަތަށް ޝުކުރު ކުރުން‘ މި މަޢުލޫއަަށް ކުރިއަށްގެންދިޔަ މިއަދުގެ ޚުޠުބާގައި ބުނީ އެ ނިޢުމަތްތަކަށް ޝުކުރުވެރިވުމަކީ އަމާންކަމާއި ހަމަޖެހުމުގެ އަސާސް ކަމަށެވެ. އަދި އެއީ ﷲގެ ރުހިވޮޑިގަތުމާއި ﷲގެ ރިޒުޤު ތަނަވަސްކަމާއެކު ލިބުުގެ ސަބަބު ކަމަށެވެ.
ކީރިތި ޤުރްއާންގެ އާޔަތްތަކުން މިޘާލު ދައްކަމުން ޚުޠުބާގައި ބުނީ އެކަލާނގެ ދެއްވާ ނިޢުމަތްތަކަށް ޝުކުރުވެރިވުމަކީ ދެމިއޮންނާނެކަމުގެ ޖާމިނުވުމެއް ކަމަށާއި އެކަލާނގެ ކޯފާއިން ސަލާމަތްކޮށްދެއްވާނެ ކަމެއް ކަމަށެވެ. އަދި ނިޢުމަތަށް ޙަރާމްކޯރުވުމަކީ ނިޢުމަތް ފިއްލަވާނެ ކަމެއް ކަމަށާއި ތަނަވަސްކަން ދަތިކަމަށް ބަދަލުކުރައްވާ ފާގަތިކަން ތަދުމަޑުކަމަށް ބަދަލުކުރައްވާނޭ ކަމެއް ކަމަށެވެ.
ﷲގެ ނިޢުމަތްތަކަކީ ގުނާ ޢަދަދު ކުރެވޭނެ އެއްޗެއް ނޫން ކަމަށާއި އޭގެތެރޭގައި ފެންނަ ނިޢުމަތްތަކާއި ނުފެންނަ ނިޢުމަތްތައް ހުންނަކަމަށްވެސް މިއަދުގެ ހުކުރު ޚުޠުބާގައި ވަނީ ބުނެފައެވެ.
މީގެ އިތުރުން މިއަދުގެ ހުކުރު ޚުޠުބާގައި ވަނީ މާތްﷲގެ ނިޢުމަތަށްޓަކައި އެކަލާނގެއަށް ޝުކުރުވެރިވުމަށާއި ޝައިޠާނާގެ ބަހަށް ހެއްލި ރަނގަޅޫމަގުން ކައްސާނުލާ، ހެޔޮއެދޭ މީހުންނާއި ހެޔޮނޭދޭ މީހުން ދެނެގަތުމަށްވެސް ގޮވާލާފައެވެ.
މިލިޔުން ކިޔާލުމުން
