މާފަރު އެއަރޕޯޓުގައި މި އަހަރުގެ ފަހުކޮޅު ޝެޑިއުލް ފްލައިޓްތައް ޖައްސާނެ…
ނ. މާފަރު އިންޓަރނޭޝަނަލް އެއަރޕޯޓުގެ ހުރިހާ މަސައްކަތެއް ނިމި، މިއހަރުގެ ފަހުކޮޅު ޝެޑިއުލް ފްލައިޓުތައް ޖައްސާނެކަމަށް ރީޖަނަލް އެއަރޕޯޓްސް ކުންފުނިން ބުނެފިއެވެ.
އެ ކުންފުނިން ބުނީ ޓަރމިނަލްގެ މަސައްކަތްތައް ވަރަށް އަވަހަށް ނިންމާލެވޭނެ ކަމަށާއި އަބޫދާބީ ފަންޑުން 60 މިލިއަން ޑޮލަރު ޚަރަދުކޮށްގެން އަޅާފައިވާ އެއަރޕޯޓަށް ޓެސްޓް ފްލައިޓް ޖައްސާފައިވާ ކަމަށެވެ. އަދި ޓެސްޓް ފްލައިޓު ޖެއްސީ މިިދިޔަ އޮގަސްޓް 14 ވަނަ ދުވަހު ކަމަށެވެ.
އެ އެއަރޕޯޓަށް ޔޫއޭއީގެ އޭ737ގެ ޓެސްޓު ފްލައިޓެއް ޖައްސާފައިވަނީ ވެލާނާ އިންޓަރނޭޝަނަލް އެއަރޕޯޓުން ކްލިއަރެންސް ނިންމުމަށް ފަހު ކަމަށާއި ހަމަ އެ ދުވަހު އެ ބޯޓު ފުރާފައިވާ ކަމަށްވެސް އެ ކުންފުނިން ބުންޏެވެ.
މާފަރު އެއަރޕޯޓު ތަރައްޤީކުރަނީ ޓްރާންސިޓް ހޮޓަލަކާއި ރިސޯޓެއްވެސް ހިމެނޭ ގޮތަށް ކަމަށްވާ އިރު، އެއަރޕޯޓަށް އެއްފަހަރާ 6 ޖެޓަށް ޚިދުމަތް ދެވޭނެކަމަށްވެސް އެ ކުންފުނިން ބުންޏެވެ. އަދި އެންމެ ޒަމާނީ ވަސީލަތްތައްވެސް ހުންނާނެ ކަމަށްވެސް ބުންޏެވެ.
އެއަރޕޯޓާއެކު ނ. އަތޮޅުގައި ބޮޑު މަޝްރޫޢެއް ކުރިއަށް ގެންދިއުމުގެ އެއްބަސްވުމުގައި ޓޫރިޒަމް މިނިސްޓަރު މޫސާ ޒަމީރާއި އަބޫދާބީ ފަންޑުގެ ޑިރެކްޓަރ ޖެނެރަލް މުހައްމަދު ސައިފް ޢަލީ ސަޢީދު ސޮއިކުރެއްވީ ފައިބެއަހަރުގެ ޑިސެމްބަރު މަހުއެވެ.
މިލިޔުން ކިޔާލުމުން
