މަޢުލޫމާތު ހާމަކުރުމުގެ ރަންވަނަ ޖެންޑަރ މިނިސްޓްރީ ހާސިލުކޮށްފި
މަޢުލޫމާތު ހާމަކުރުމުގެ ރަންވަނަ މިނިސްޓްރީ އޮފް ޖެންޑަރ އެންޑް ފެމިލީން ހާސިލުކޮށްފިއެވެ.
މިއީ މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނުގައިވާ ގޮތުގެ މަތިން ދައުލަތުގެ އިދާރާތަކުން އެ އިދާރާއެއްގެ އަމިއްލަ އިސްނެގުމުގެ މަތިން ވީހާވެސް ގިނައިން މަޢުލޫމާތު ޢާންމުކުރުމަށް ހިތްވަރުދިނުމަށާއި ފަސޭހަ ކަމާއެކު މަޢުލޫމާތު ލިބޭނޭ ގޮތަށް މަޢުލޫމާތު ބެލެހެއްޓުމަށް ބާރުއެޅުމަށްޓަކައި އިންފޮމޭޝަން ކޮމިޝަނަރުގެ އޮފީހުން ދޭ އެވޯޑެކެވެ.
މި އެވޯޑު ޖެންޑަރ މިނިސްޓްރީއަށް ލިބިފައިވަނީ މަޢުލޫމާތު ހޯދައި ލިބިގަތުމުގެ ޙައްޤުގެ ބައިނަލްއަޤުވާމީ ދުވަސް ފާހަގަކުރުމުގެ ގޮތުން އިންފޮމޭޝަން ކޮމިޝަނަރުގެ އޮފީހުން ދިވެހިރާއްޖޭގެ އިސްލާމީ ޔުނިވަރސިޓީގައި ބޭއްވި ޙަފުލާގައެވެ.
އެ މިނިސްޓްރީގެ ފަރާތުން ރަންވަނަ އެވޯޑާއި ޙަވާލުވެވަޑައިގަތީ މިނިސްޓްރީގެ ޕަރމަނަންޓް ސެކްރެޓަރީ އާމިނަތު ޝިފާނާއެވެ.
މި އަހަރު 3 ކެޓަގަރީއަކަށް ބަހައިލައިގެން ރަންވަނަ އެވޯޑު ދެވިފައިވާ އިރު، މިނިސްޓްރީއަށް ރަންވަނަ އެވޯޑު ލިބިފައިވަނީ ސަރުކާރުގެ އިދާރާތަކުގެ ކެޓަގަރީންނެވެ.
މި އެވޯޑުގެ އިތުރުން ހާމަކޮށްފައިވާ މަޢުލޫމާތަށް ބަލައި، މިނިސްޓްރީގެ ވެބްސައިޓް 1ވަނަ ދަރަޖައިގައި ހިމެނިފައިވާތީ، ދަރަޖައިގެ ސަނަދު ވެސް މިނިސްޓްރީއަށް ދެވިފައިވެއެވެ.
މިލިޔުން ކިޔާލުމުން
