އައިރިޝްގެ ލަވަކިޔުންތެރިއެއް އިސްލާމް ދީން ޤަބޫލުކޮށް ނަން ބަދަލުކޮށްފި
އައިރިޝްގެ މަޝްހޫރު ލަވަކިޔުންތެރިއެއް ކަމަށްވާ ސިންއީޑް އިސްލާމްވެއްޖެއެވެ.
އޭނާކޮށްފައިވާ ޓްވީޓަކާއި ޙަވާލާދީ ސީއެންއެންގައި ބުނެފައިވަނީ ސިންއީޑް އިސްލާމް ދީން ޤަބޫލުކޮށް މުސްލިމް ނަމަކަށް ނަން ބަދަލުކޮށްފައިވާ ކަމަށެވެ. އަދި އޭނާއަށް މިހާރު ކިޔަނީ ’ޝުުހާދާ‘ ކަމަށެވެ.
މި މަހުގެ 19 ވަނަ ދުވަހު ސުހާދާ ކޮށްފައިވާ ޓްވީޓުގައި އިސްލާމް ދީން ޤަބޫލު ކުރެވުނީތީ މިހާރު ވަރަށްބޮޑަށް އުފާކުރާ ކަމަށާއި ފާއިތުވި ދުވަސްތަކުގައި އިސްލާމް ދީން ޤަބޫލުނުކޮށް ހުރެވުނީތީ ދެރަވާކަމަށް ބުނެފައިވާ ކަމަށްވެސް ސީއެންއެންގައި ވަނީ ބުނެފައެވެ. އަދި އިސްލާމް ދީނާއިބެހޭގޮތުން ގިނަ ފޮތްތަކެއްކިޔާ، ދިރާސާތަކެއް ކުރުމަށްފަހު، އިސްލާމް ދީން ޤަބޫލުކުރީ އެއީ އެންމެ މާތް ދީން ކަމަށް އަމިއްލައަށް ޤަބޫލުކުރެވޭތީ ކަމަށްވެސް ޝުހާދާ ވަނީ ބުނެފައެވެ.
ޝުހާދާ އިސްލާމްވުމަށްފަހު، އޭނާގެ ޓްވިޓަރ ޕްރޮފައިލް ޕިކްޗަރ ބަދަލުކޮށް މިހާރުލާފައިވަނީ ހިޖާބު އަޅައިގެން ހުރި ފޮޓޯއެކެވެ.
އޭނާ ބުނީ މިހާރަށްވުރެ އިތުރަށް އިސްލާމް ދީނާއިބެހޭ މަޢުލޫމާތު އުނގެނެން ބޭނުންވާ ކަމަށާއި އެކަމަށްޓަކައި ވީހާވެސް ގިނައިން އިސްލާމްދީނާއިގުޅޭ ލިޔުންތަކާއި ފޮތްތައްވެސް ކިޔާ، މަޢުލޫމާތު ހޯދަމުން އަންނަކަމަށެވެ.
މިލިޔުން ކިޔާލުމުން
