މަދިރި ކޮންޓްރޯލު ކުރުމުގެ ޚާއްޞަ ޕްރޮގްރާމެއް ފަށައިފި

މިދުވަސްވަރު މާލޭގައި މަދިރި ގިނަވުމާއި ގުޅިގެން މަދިރި ކޮންޓްރޯލު ކުރުމުގެ ޚާއްޞަ ޕްރޮގްރާމެއް ފަށައިފިއެވެ.

މި ޕްރޮގްރާމު ރަސްމީކޮށް ފަށާފައިވަނީ ޖަމާލުއްދީން ސްކޫލު ކުރިމަތީ މިއަދު ހަވީރު ބޭއްވި ޚާއްޞަ ރަސްމިއްޔާތެއްގައެވެ.

އިޝްތިހާރު

މިރަސްމިއްޔާތުަގއި މާލޭ ސިޓީ ކައުންސިލުގެ އިސްވެރިންނާއި އެކި މުއައްސަސާތަކުގެ އިސްވެރިން ވަނީ ބައިވެރިވެވަޑައިގެންފައެވެ.

މިއަދު ފެށި މި ޕްރޮގްރާމަކީ ހެލްތް ޕްރޮޓެކްޝަން އެޖެންސީ (އެޗްޕީއޭ)، ހެލްތް މިނިސްޓްރީ އިސްނަގައިގެން ޕްރޮގްރާމެކެވެ. މި ޕްރޮގްރާމުގައި މާލޭ ސިޓީ ކައުންސިލާއި ކަމާއިގުޅުންހުރި އެހެނިހެން މުއައްސަސާތައް ގުޅިގެން މަދިރި ކޮންޓްރޯލު ކުރުމަށް ޚާއްޞަ ޕްރޮގްރާމުތަކެއް ކުރިއަށް ގެންދިއުމަށް ވަނީ ރާވާފައެވެ.

އެގޮތުން މަދިރި މަދުކުރުމަށް އެކުލަވާލާފައިވާ އުސޫލު ކައުންސިލްތަކާ ހިއްސާކޮށްފައިވާ އިރު، ދެމެހެއްޓެނިވި ގޮތެއްގައި މަދިރި، މީދާ އަދި ވާ މަދުކުރުމަށް މަޝްވަރާކުރުމަށް ކޮމެޓީއެއްވެސް ވަނީ އެކުލަވާލާފައެވެ.