ރޮޒައިނާ މަޖިލީހަށް ހޮވުމަކީ ކުރެވުނު ވިޔާނުދާ ކަމެއް: ރައީސް ނަޝީދު

ދަ ޑިމޮކްރެޓްސް ގެ ކެމްޕެއިންގައި އައްޑޫ ސިޓީ މަރަދޫއަށް ވަޑައިގެން ދެއްކެވި ވާހަކަ ފުޅުގައި، ރޮޒައިނާ މަޖިލީހަށް ހޮވުމަކީ އެމަނިކުފާނަށް ކުރެވުނު ވިޔާނުދާ ކަމެއް ކަމުގައި ކުރީގެ ރައީސް މުޙައްމަދު ނަޝީދު (އަންނި) ވިދާޅުވެއްޖެއެވެ.

ބައެއް ފަހަރު ނަންވެސް އެބަ ކިޔަން ޖެހޭކަމުގައި ވިދާޅުވުމަށްފަހު ރައީސް ނަޝީދު މިފަދައިން ވިދާޅުވެ، ރޮޒައިނާއަށް ވަނީ ވަރަށް ބޮޑަށް ފާޑު ވިދާޅުވެފައެވެ.

އިޝްތިހާރު

މިގޮތުން، ރޮޒައިނާ އަދި ޚާއްސަކޮށް ޑީއާރުޕީ ގައި އުޅުއްވި ބޭފުޅުން، ފުރަތަމަ ރައީސް މައުމޫނާއި ދުރަށް ޖެހިވަޑައިގެންނެވުމަށްފަހު އެޕާޓީ ބައިބައި ކުރެއްވީ ކަމަށް އަންނި ވިދާޅުވިއެވެ. އަދި ދެން ’ބަޣާވާތަށް ފަހުގައި‘ ވަޑައިގެންނެވީ ރައީސް ވަޙީދަކީ ޒަޢީމޭ، ވިދާޅުވަމުންކަމަށާއި، ދަނިކޮށް ރައީސް ވަޙީދަށް ލިބިވަޑައިގެންނެވީ ފަސް ޕަސަންޓު ކަމަށެވެ. އަދި މިއަދު ރޮޒައިނާގެ ފިރިކަލުން ނާޝިޒު ހުންނެވީ ރައީސް އިބްރާހީމް މުޙައްމަދު ޞާލިޙުގެ ކެމްޕެއިން މެނޭޖަރުގެ ގޮތުގައި ކަމަށާއި، މިއަދު ރައީސުލް ޖުމްހޫރިއްޔާ ދައްކަވާނެ ވާހަކަތައް ވިދާޅުވާން އެތިއްބެވީ އެބޭބޭފުޅުން ކަމަށެވެ. އަދި އެބޭފުޅުން އެތިއްބެވީ ރައީސުލް ޖުމްހޫރިއްޔާ ވަށާލައްވާފައި ކަމަށާއި، ރައީސުލް ޖުމްހޫރިއްޔާއެއް ނުވެއް ނެތްކަމަށެވެ.

ރައީސް ނަޝީދު މިމޭރުމުން ވާހަކަ ދެއްކެވުމުން ރޮޒައިނާ ސިފަ ވެގެން ދަނީ ޕާޓީތަކުގެ އެތެރޭގައި އަޅާ ކަތުރުފަންޏެއްގެ ގޮތުގައާއި، އަމިއްލަ އެދުމެއްގައި ކޮންމެ ވެރިއަކަށް ސަނާ ކިޔައިގެން ބާރު ހޯދަން އުޅޭ މީހެއްގެ ގޮތުގައެވެ.

ރައީސް ނަޝީދު މިފަދައިން ވިދާޅުވެފައި ވާއިރު ދާދި ފަހުން އެމަނިކުފާނު ވަނީ އެމްޑީޕީ ރޫޅާލާނެ ކަމުގެ އިންޒާރު ދެއްވާފައެވެ.