ގިނަ ޢަދަދެއްގެ ސަޕޯޓަރުންނާއި އެކު ޙުސްނީގެ ކެމްޕެއިން ނިންމާލުމުގެ ހިނގާލުން މަނަދޫގައި ބާއްވައިފި!
މާދަމާ ބޭއްވުމަށް ހަމަޖެހިފައިވާ، ރައްޔިތުންގެ މަޖިލީހުގެ އިންތިޚާބުގައި މަނަދާު ދާއިރާއަސް ޕީޕީއެމް ޕީއެންސީގެ ފަރާތުން ކުރިމަތިލައްވާފައިވާ، ސަރުކާރުގެ ކެންޑިޑޭޓް ޙުސްނީ މުބާރިކްގެ ކެމްޕެއިން ނިންމާލުމުގެ ގޮތުން ހިނގާލުމެއް ބާއްވައިފިއެވެ.
މިގޮތުން މަނަދޫ ބަނދަރު ސަރަޙައްދުން ފެށި މި ހިނގާލުން، ނިންމާލާފައިވަނީ، ބަނދަރު ސަރަޙައްދުގައި ޙުސްނީގެ ކެމްޕެއިން ޖަލްސާ ރޭގައި ބާއްވާފައިވާ ސްޓޭޖް ސަރަޙައްދުންނެވެ. މި ހިނގާލުމުގައި ގިނަ ޢަދަދެއްގެ ސަޕޯޓަރުން ވަނީ ބައިވެރިވެފައެވެ. ކެމްޕެއިން ނިންމާލުމުގެ ގޮތުން ބޭއްވި ހިނގާލުން ނިންމާލަމުން ޙުސްނީ މުބާރިކް ވަނީ ދާއިރާގެ ރައްޔިތުންނާއި މުޚާތަބު ކުރައްވާ ވާހަކަފުޅު ދައްކަވާފައެވެ.
ޙުސްނީ ވިދާޅުވި ގޮތުގައި، އޭނާ މަޖިލީހަށް ހޮވިެއްޖެ ނަމަ މަސައްކަތް ކުރައްވާނީ ވަކި ފިކުރަކަށް ވީތީ ބާކީ ކުރުމެއް ނެތިއެވެ. އަދި ދިވެހީންގެ ރާއްޖެއަށް ޙަޤީޤަތުގައި ދެވެން އޮތީ ދިވެހީންގެ ރާއްޖޭގެ ކެންޑިޑޭޓުންނަށް މަޖިލީސް ކާމިޔާބު ކުރެވިގެން ކަމުގައިވެސް ޙުސްނީގެ ވާހަކަފުޅުގައި ވަނީ ފާހަގަ ކުރައްވާފައެވެ.
ޙުސްނީގެ ހިނގާލުމުގެ އިތުރުން މިއަދު މަނަދޫގައި ވަނީ އެދާއިރާއަށް އެމްޑީޕީގެ ފަރާތުން މަޖިލީހަށް ކުރިމަތިލައްވާ ކެންޑިޑޭޓުގެ ކެމްޕެއިން ނިންމުމުގެ ގޮތުން ސައިކަލު ބުރެއްވެސް ބާއްވާފައެވެ. މި ސައިކަލު ބުރުގައި އެމްޑީޕީއަދި އެމްޑީޕީގެ ކެންޑީޑޭޓަށް ތާޢީދު ކުރާ ފަރާތްތަކުން ބައިވެރި ވެފައިވާ އިރު، ހުސްނީގެ ކެމްޕެއިން ނިންމުމުގެ ހިނގާލުމާއި އަޅާ ބަލާއިރު ވަރަށްވެސް ބައި މަދުކަން ފާހަގަ ކޮށްލެވެއެވެ.
މަނަދޫ ދާއިރާގެ ކެމްޕެއިން ޙަރަކާތްތައް ފެންނަ ގޮތުން މިފަހަރު އިންތިޚާބު ކާމިޔާބު ކުރައްވާނެ ކަމަށް ބެލެވެނީ ޙުސްނީ މުބާރިކެވެ.
މިލިޔުން ކިޔާލުމުން
